ഞാൻ കണ്ട കാഴ്ച്ചകൾ

നന്ദി ജോയ്ആലുക്കാസ്.... നന്ദി ജോയ് സാർ Joyalukkas Annual Day Celebration at Grand Hyatt, Cochin ( 9 July 2019) ഒരു കലോത്സവത്തിന്റെ ലഹരിയിൽ ആയിരുന്നു ഞങ്ങൾ എല്ലാവരും. ലോകത്തിലെ തന്നെ ഏറ്റവും പ്രിയപെട്ട ജ്വല്ലറി ഗ്രൂപ്പ് ആയ ജോ...

Happy Doctor's Day .... എതൊരാളും അമ്പലത്തിലോ പള്ളിയിലോ പോയി പ്രാർത്ഥിക്കുന്നതിനേക്കാൾ മനമുരുകി ഈശ്വരനെ വിളിക്കുന്നത് ഒരു ഹോസ്പിറ്റലിലെ ഓപറേഷൻ തിയറ്ററിനരികെ വെച്ചായിരിക്കും. അതു കൊണ്ട് തന്നെ ഒരു ഹോസ്പിറ്റൽ പലപ്പോഴും ദൈവ സാന്നിധ്യമുള്ള സ്ഥലം തന്നെയാണ്. ഒരു ഡോക്ടറിലൂടെ മാത്രമാണ് പലപ്പോഴും നാം ആ അദൃശ്യ ശക്തിയെ തിരിച്ചറിയുന്നത്. എറണാകുളം ജില്ലയിലെ ഏറ്റവും മികച്ച ഹോസ്പിറ്റലിൽ ഒന്നാണ് മെഡിക്കൽ ട്രസ്റ്റ് ഹോസ്പിറ്റൽ എന്നതിൽ യാതൊരു തർക്കവുമില്ല. മെഡിക്കൽ ട്രസ്റ്റിനെ എറ്റവും മികച്ചതായി തീർക്കുന്നതിൽ അവിടുത്തെ ഡോക്ടർമാർ വഹിക്കുന്ന പങ്കു ചെറുതല്ല. ഞാൻ വർഷങ്ങൾ ആയി ചികിൽസാ സംബന്ധമായി മെഡിക്കൽ ട്രസ്റ്റ് ഹോസ്പിറ്റലിൽ മാത്രം പോകുന്ന ഒരാൾ ആണ്. ചികിത്സ സംബന്ധമായ ആരുടെ അന്വേഷണത്തിനും ആദ്യം  reffer ചെയ്യുന്നത്  മെഡിക്കൽ ട്രസ്റ്റ് ഹോസ്പിറ്റൽ  മാത്രമാണ്, അതിന് കാരണം അവിടുത്തെ  മികച്ച ഡോക്ടർമാർ തന്നെയാണ്. മെഡിക്കൽ ട്രെസ്റ്റിലെ ഡോക്ടേഴ്സ് പേരു വിവര പട്ടികയിലെ അവസാനത്തെ പേരുള്ള ജൂനിയർ ഡോക്ടർ പോലും ഏറ്റവും മികച്ചതായിരിക്കും എന്നതിൽ  യാതൊരു സംശയവുമില്ല. അവരുടെ സേവന വൈദഗ്ധ്യ...

ഒരു ബൈക്ക് മോഷണ കഥ (BASED ON A TRUE STORY) എറണാകുളത്ത് നിന്ന് ത്രിശ്ശൂരിലേക്ക് ടെയിനിൽ ആണ് യാത്ര. പതിവുപോലെ ട്രെയിൻ വൈകിയത് കൊണ്ട് എങ്ങനെയെങ്കിലും ഒരു ഓട്ടോ പിടിക്കാനുള്ള തത്രപ്പാടിൽ ആയിരുന്നു ഞാൻ. കാരണം ഭക്ഷണം കഴിച്ചിട്ടില്ല, ഓഫീസ് കാന്റീൻ 8.45 ക്ലോസ് ചെയ്യും .8.50 ആണ് പഞ്ചിങ്ങ്. വൈകി എത്തുന്നതിനിന്നോട് വിമുഖത കാട്ടുന്ന മനസ്സായതുകൊണ്ട് ഷെയർ ഓട്ടോയ്ക്ക് കാത്തുനിൽക്കാറില്ല. അതു കൊണ്ട് തന്നെ ട്രെയിൻ പൂർണ്ണമായും നിർത്തുന്നതിന് മുൻപ് തന്നെ ചാടി ഇറങ്ങി PT ഉഷയെ മനസ്സിൽ ധ്യാനിച്ച് ഓടുകയാണ്. ലക്ഷ്യം ആദ്യം കാണുന്ന ഓട്ടോ പിടിക്കുക തന്നെ. ഒരു ഓട്ടോ കണ്ടു , അതിൽ കയറാൻ തുടങ്ങുന്നതിന് മുൻപ് ആണ് എന്റെ ഫോൺ റിംഗ് ചെയ്യുന്ന ശബ്ദം കേൾക്കുന്നത്. ആദ്യം ഭാര്യയാണെന്ന് ഓർത്ത് പിന്നിട് തിരിച്ചു വിളിക്കാം എന്നോർത്തു. വേറെ ഒന്നുമല്ല 100 രൂപക്ക് 3 ചുരിദാർ കിട്ടും എന്നു പറയാനായിരിക്കും ചിലപ്പോൾ അവൾ വിളിക്കുന്നത് അല്ലെങ്കിൽ അവളുടെ പഴ്സിലെ 25 പൈസ കാണാനില്ലെന്ന് പറയാൻ ആയിരിക്കും. പിന്നെ ഓർത്തു വല്ല അത്യാവശ്യക്കാരൻ ആണെങ്കിലോ , മനസ്സൊന്നു പതറി. വേഗം ഫോൺ എടുത്തു. അപ്പോൾ വിളിക്കുന്നത് ഒപ...

ചാച്ചി കാളാംപുറം തറവാടിന്റെ വിളക്ക് അണഞ്ഞിട്ട് ഇന്നേക്ക് 3 വർഷം തികയുന്നു. അമ്മയുടെ ചേച്ചി ആയിരുന്നെങ്കിലും അമ്മയുടെ സ്ഥാനം തന്നെ ആയിരുന്നു, ചിലപ്പോഴൊക്കെ അതിനേക്കാൾ ഏറെ. സ്നേഹം എന്ന വാക്കിന് ത്യാഗം എന്നൊരു അർത്ഥം കൂടി ഉണ്ടെന്ന് സ്വന്തം ജീവിതം കൊണ്ട് തെളിയിച്ച കർമ്മയോഗി. ബാല്യത്തിലെ കഷ്ടപ്പാടുകൾക്കിടയിൽ സ്വന്തം അനുജത്തിമാരേയും അനിയൻ മാരെയും വളർത്തി വലുതാക്കി കല്യാണം കഴിപ്പിച്ച് അവരുടെ മക്കളെ വരെ ( ഞാനുൾപ്പെടെ) വളർത്തി വലുതാക്കുന്നതിനിടയിൽ സ്വയം വിവാഹിതയാവാനും ജീവിക്കാനും മറന്നവൾ. ഒരാളുടെ മരണത്തെ വിലയിരുത്തപ്പെടുന്നത് അവരുടെ ജീവിതത്തിലുടെയാണ് എങ്കിൽ എറ്റവും കൂടുതൽ ചർച്ച ചെയ്യപ്പെടേണ്ട ജീവിതം തന്നെയായിരുന്നു ചാച്ചിയുടേത്. അവരുടെ സ്നേഹം പങ്കുപറ്റാത്ത ഒരാളും ഞങ്ങളുടെ നാട്ടിലോ വീട്ടിലോ ഉണ്ടാവില്ല. സഹോദരി സഹോദരൻമാരുടെ മക്കളോടുള്ള ചാച്ചിയുടെ അടങ്ങാത്ത സ്നേഹത്തിന് എറ്റവും വലിയ ഉത്തരമാണ് വെള്ളൂരിലെ മോഹൻ ചേട്ടൻ. എന്റെ മോൻ എന്നേ ചാച്ചി പറഞ്ഞിട്ടുള്ളൂ. എപ്പോഴും ചാച്ചിയോട് ഇണങ്ങിയും പിണങ്ങിയും കഴിയുന്ന ശ്രീക്കുട്ടനും ഉണ്ണിയും അവരുടെ ഹൃദയം തന്നെയാണ് തിരിച്ചു കൊടുത്തത്. അലമുറയിട്ടു കരഞ്...

ഒരു കിങ്ങിണിപ്പൂവിൻ പുഞ്ചിരി ചന്തം ഞങ്ങൾ ഇന്നലെ ഒരു സൗഹൃദ യാത്രയിൽ ആയിരുന്നു. സ്നേഹ ബന്ധത്തിൽ ഏറിയുള്ള ഒരു കുടുംബ കൂട്ടായ്മകളുടെ സംഗമം. പുന്നമട കായലിലെ ഓളങ്ങളിൽ സൗഹൃദത്തിന്റെയും സന്തോഷത്തിന്റെയും അലകൾ ഉയർത്തി കൊണ്ട് ഒരു വഞ്ചിവീട് യാത്ര. ഈ യാത്രയിൽ എന്നെ ഏറെ ആകർഷിപ്പിച്ചതും ഒപ്പം ചിന്തിപ്പിച്ചതും മറ്റൊന്നുമല്ല കിങ്ങിണിയെന്ന കൊച്ചു മിടുക്കിയുടെ നക്ഷത്ര കണ്ണുകളും പാൽ പുഞ്ചിരിയും അതിനെല്ലാം ഉപരി ആ കുസൃതി കുരുന്നിന്റെ അധരങ്ങളിൽ നിന്നും ഉതിരുന്ന അനർഗള നിർഗളമായ നാടൻ പാട്ടുകളുടെ ശീ ലുകൾ ആണ്. ഒരു കൊച്ചു കുട്ടി ഇത്രയും നാടൻ പാട്ടുകൾ മനപാഠമാക്കുന്നത് എങ്ങനെ എന്ന് ആലോചിച്ച് അദ്ഭുതപരവശനായി നിൽക്കാനേ എനിക്ക് കഴിഞ്ഞുള്ളൂ. ഒരു പക്ഷേ ആ കുട്ടിയുടെ അച്ഛനമ്മമാരിൽ നിന്നോ അപ്പച്ചിയിൽ നിന്നോ കിട്ടിയ വാസനകൾ ആയിരിക്കാം അവളെ അതിന് പ്രാപ്തയാക്കിയത്. അക്ഷര സ്ഫുടതയും തെളിഞ്ഞ ശബ്ദവും ആണ് ആ കൊച്ചു മിടുക്കിയുടെ പാട്ടുകളിലെ ഏറ്റവും വലിയ പ്രത്യേകതകൾ. സത്യത്തിൽ ഇന്നലത്തെ ഉല്ലാസ യാത്രയിൽ ഒരു അതിഥി ആയി വന്ന് ആതിഥേയ ആയി മാറി എന്നുള്ളത് ആണ് ആ കൊച്ചു മിടുക്കിയുടെ ഏറ്റവും വലിയ സവിശേഷത. ബോട്ട് യാത്ര അവസാനിപ്പിച്ച് ...

മുംബൈയിൽ ജീവിച്ചു കൊതി തീരാത്തവർക്കും, ആ മഹാനഗരത്തിൽ ജീവിതം ആഘോഷിക്കുന്നവർക്കും, ഇനി മുംബൈ കാണാൻ ആഗ്രഹിക്കുന്നവർക്കും വേണ്ടി ഒരു പഴയ മുംബൈ യാത്രാ ഓർമ്മക്കുറിപ്പ്... ഞങ്ങളുടെ മുംബൈ യാത്രയ്ക്ക് ഇന്നേക്ക് ഒന്നാം വാർഷികം... ജീവിതവും കാഴ്ചകളും അനുഭവങ്ങളും ഇഴചേർന്ന് നെയ്തൊരു കഥാ പുസ്തകമാണ് മുംബൈ. ഒരിക്കലും വായിച്ചു തീരാത്ത കഥാ പുസ്തകം. വന്നെത്തുന്നവരെല്ലാം കഥാ പാത്രങ്ങൾ ആവുന്നു ഇവിടെ. മുംബൈ നഗരത്തെ കുറിച്ച് ഒരു വാചകമുണ്ട് - ' നിങ്ങൾക്ക് ഒരാളെ ഈ നഗരത്തിൽ നിന്ന് പുറത്തേക്ക് കൊണ്ടു പോകാനായേക്കും, പക്ഷേ ഒരിക്കലും അയാളുടെ ഹൃദയത്തിൽ നിന്നും ഈ നഗരത്തെ പുറത്തേക്കെടുക്കുവാൻ ആവില്ല' . ജീവിതവർണ്ണങ്ങൾ നിറഞ്ഞൊഴുകുന്ന മുംബൈ നിരത്തുകളിലൂടെ സഞ്ചരിക്കുന്ന ഏതൊരാളും പറഞ്ഞു പോകും - വളരെ ശരിയാണ് ഈ വാക്കുകൾ എന്ന് . ഒരിക്കൽ അറിഞ്ഞു കഴിഞ്ഞാൽ , പിന്നീട് ഒരിക്കലും ഈ നഗരത്തെ മറന്നു കളയാൻ ആവില്ല , ഉള്ളിൽ നിന്ന് പറിച്ചെടുക്കാനും ആവില്ല. അത്രയേറെ സ്വപ്നങ്ങൾ കൂടി ചേരുന്നിടമാണ് മുംബൈ. ഇന്ത്യയുടെ സാമ്പത്തിക തലസ്ഥാനം, പല കോണിൽ നിന്നും ജീവിതം കരുപിടിപ്പിക്കാനെത്തിയ മനുഷ്യരെ കൈ നീട്ടി സ്വീകരിക്കുന്ന നഗരം....